काठमाडौं । श्रीलंकाले आज पहिलो टेस्टमा वेस्ट इन्डिजलाई १८६ रनले हराएको छ । कप्तान दिमुथ करुणारत्नेको उत्कृष्ट ब्याटिङप्रेरित खेलसँगै श्रीलङ्काले वेस्ट इन्डिजलाई हराएकाे हाे।
जितका लागि ३४८ रन लक्ष्य पाएको वेस्ट इन्डिजले ५६-६ को स्थितिबाट पाँचौँ दिनको सुरुआत गरेको थियो । वेस्ट इन्डिजले अन्तिम दिन थप १०८ रन जोड्दा बाँकी सबै विकेट गुमायो । पहिलो इनिङमा ३८६ रन बनाएको श्रीलंकाले चार विकेट गुमाएर १९१ रन बनाउँदा दोस्रो इनिङको घोषणा गरेको थियो । वेस्ट इन्डिजले पहिलो इनिङमा २३० रन बनाएको थियो ।
श्रीलंकाका कप्तान करुणारत्नेले पहिलो इनिङमा १४७ रन बनाएको थियो भने दोस्रो इनिङमा ८३ रन बनाएका थिए । एन्जेलो म्याथ्युजले दोस्रो इनिङमा अविजित ६९ रन बनाएका थिए । श्रीलंकाका लागि पहिलो इनिङमा धनन्जय डी सिल्भाले ६१, ओपनर पाथुम निसान्काले ५६ र दिनेश चण्डीमलले ४५ रन बनाएका थिए ।
वेस्ट इन्डिजका रोष्टन चेजले पाँच तथा जोमल वारिक्यानले तीन विकेट लिएका थिए । पहिलो इनिङमा वेस्ट इन्डिजका लागि काइल मेयर्स ४५, क्राइग ब्रेथह्वाइटले ४१, रहकीम कर्नवालले ३९ जसोन होल्डरले ३६ रन र जर्माइन ब्ल्याकउडले २० रन बनाए । श्रीलंकाका प्रविन जयविक्रमाले चार र रमेश मेन्डिसले तीन विकेट लिँदा सुरुङ्गा लकमल, लसिथ इम्बुलडेनिया र धनन्जय डी सिल्भाले समान एक–एक विकेट लिएका थिए ।
दोस्रो इनिङमा वेस्ट इन्डिजका एनकुमाह वोनरले अविजित ६८ रन बनाए भने डा सिल्भाले ५४ रन बनाए । अन्यले दोहोरो उल्लेख्य प्रदर्शन गर्न सकेनन् । श्रीलंकाका इम्बुलडेनियाले पाँच तथा रमेश मेन्डिसले चार र प्रविन जयविक्रमाले एक विकेट लिए ।
