काठमाडौँ।नेकपा (एकीकृत समाजवादी) पोलिटब्यूरो बैठक बोलाएको छ। बैठक सोमबार बिहान ११ बजे पार्टी कार्यालय आलोकनगरमा बस्ने छ।
शनिबार र आइतबार गरी दुई दिनसम्म चलेको स्थायी कमिटी बैठकपछि एकीकृत समाजवादीले सोमबारका लागि पोलिटब्यूरोको बैठक बोलाएको हो।
गत मंसिर ४ गते सम्पन्न प्रतिनिधिसभा र प्रदेशसभा निर्वाचनको समीक्षा, माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारलाई समर्थन गर्ने/नगर्नेलगायतका विषयमा छलफल गर्न एकीकृत समाजवादीले स्थायी कमिटी बैठक बोलाएको थियो।
