काठमाडौँ।नेपाल नागरिक उड्डयन प्राधिकरणले पोखरामा भएको यती एयरलाइन्सको विमान दुर्घटनामा हालसम्म ६८ जनाको मृत्यु भएको पुष्टि गरेको छ।
आइतबार बिहान १० बजेर ३२ मिनेटमा काठमाडौँबाट पोखराका लागि उडेको विमान सेती नदीको खोंचमा दुर्घटना भएको थियो। प्राधिकरणका अनुसार विमान १० बजेर ५० मिनेटसम्म सम्पर्कमै थियो।
विमानमा चालक दलका ४ जनासहित ७२ जना सवार थिए। विमानमा ५३ जना नेपाली, पाँच जना भारतीय, चार जना रसियन, कोरियाका दुई जना तथा आयरल्याण्ड, अष्ट्रेलिया र फ्रान्सका एक–एक जना यात्रु सवार थिए।
