रामचन्द्र पौडेल बने नेपालको तेस्रो राष्ट्रपति

कर्णाली अनलाइन २५ फाल्गुन २०७९, बिहीबार १७:२६

काठमाडौँ।नेपाली कांग्रेसका वरिष्ठ नेता रामचन्द्र पौडेल राष्ट्रपतिमा निर्वाचित भएका छन्।८ दलीय गठबन्धनका साझा उम्मेदवार रहेका पौडेल नेकपा एमालेका उम्मेदवार सुवासचन्द्र नेम्वाङलाई पराजित गर्दै नेपालको तेस्रो राष्ट्रपतिमा निर्वाचित भएका हुन्।

पौडेलले ३३ हजार ८०२ मतभार पाए। उनको पक्षमा २१४ संघीय सांसद र ३५२ प्रदेश सांसदले मत हालेका हुन्। एमालेका उम्मेदवार नेम्वाङले १५ हजार ८१८ मतभार पाए। उनको पक्षमा ९८ संघीय सांसद र १६२ प्रदेश सांसदले मतदान गरे।

प्रदेशतर्फको ५ मत बदर भएको निर्वाचन आयोगले जानकारी दिएको छ।बिहीबार नयाँ बानेश्वरस्थित संसद भवनमा भएको निर्वाचनमा संघीय संसदका ३१३ र प्रदेशसभाका ५१८ सांसदले मत खसालेका थिए।

राष्ट्रपतिको निर्वाचनमा संघीय संसद प्रतिनिधिसभा र राष्ट्रियसभाका ३३४ जना र प्रदेशसभाका ५५० जना सांसद मतदाता रहन्छन्। संघीय सांसदको मतभार ७९ र प्रदेश सांसदको मतभार ४८ रहने व्यवस्था छ।


Leave a Reply

Your email address will not be published. Required fields are marked *

Next Post

उपराष्ट्रपति निर्वाचन: एमालेले अष्टलक्ष्मी शाक्यलाई उम्मेदवार बनाउने

२५ फाल्गुन २०७९, बिहीबार १७:२६
काठमाडाैँ।नेकपा एमालेले उपाध्यक्ष अष्टलक्ष्मी शाक्यलाई उपराष्ट्रपतिको उम्मेदवार बनाउने भएको छ।शनिबार बिहान बसेको एमाले सचिवालय बैठकले शाक्यलाई उपराष्ट्रपतिको उम्मेदवार बनाउने निर्णय गरेको हो। उपराष्ट्रपति निर्वाचनका लागि आज उम्मेदवारी दर्ता कार्यक्रम हुँदैछ। दिउँसो २ बजेसम्म नयाँ बानेश्वरस्थित संसद् भवनमा रहेको निर्वाचन अधिकृतको कार्यालयमा उम्मेदवारी दर्ता हुनेछ। आज अपरान्ह ३ बजेसम्म मनोनयन दर्ता […]

सम्बन्धित शीर्षक