सुर्खेत । सुर्खेतको वीरेन्द्रनगर नगरपालिका ११ चोखेढुङगाबाट लागुऔषध सहित तिन जना पुरुष पक्राउ परेका छन् । पक्राउ पर्नेमा वीरेन्द्रनगर नगरपालिका- ११ बस्ने २५ बर्षका खेमराज खत्री, दैलेख जिल्ला नरायण नगरपालिका- ८ घर भएका १९ बर्षका सन्दिप गुरुङ र बाँके जिल्ला बैजनाथ गाउँपालिका- ३ घर भएका २४ बर्षका सागर राना रहेका छन् ।
उनीहलाई वीरेन्द्रनगर नगरपालिका -११ चोखेढुङगाबाट माटोले बनेको २ तले कच्चि घरको वाँया साईटको कोठा भित्र पुडिया बनाउदै गरेको अवस्थामा प्रहरी सहायक निरीक्षकको कमाण्डमा खटिएको ४ जनाको टोलीले पक्राउ गरेको हो ।
सुगर जस्तो देखिने खैरो धुलो पदार्थ ३ वटा प्याकिङ्ग पुडिया र खुल्ला ११ वटा पुडिया बरामद गरी उनिहरुलाई अनुसन्धानको लागी जिल्ला प्रहरी कार्यालय पठाईएको कर्णाली प्रदेश प्रहरी कार्यालय सुर्खेतले जनाएको छ ।
