काठमाडौँ ।शुक्रबार दिउँसो संखुवासभामा दुर्घटनामा परेको सिम्रिक एयरको हेलिकप्टरका चालक सुरक्षित रहेपनि एक स्थानीय भने गम्भीर घाइते भएका छन्।
हेलिकप्टरमा चालकदलका दुईसहित पाँच जना सवार थिए। दुर्घटनामा परेको उक्त हेलिकप्टरका पाइलट क्याप्टेन सुरेन्द्र पौडेल सुरक्षित रहेको विमानस्थल स्रोतले जनाएको हो। घाइतेहरूलाई घटनास्थलमा पुगिसकेको नेपाली सेनाको हेलिकप्टरले उद्धार गरेर काठमाडौँतर्फ लगिएको भोटखोला गाउँपालिकाका अध्यक्ष वाङछेदर लामाले जानकारी दिए।
अपर अरुणको हाइड्रोको आयोजनाको सामान बोकेर उडेको हेलिकप्टर संखुवासभाको भोटखोला-४ सिप्रुङको जिजिङ्खामा हेलिकप्टर दुर्घटनामा परेको हो।यतिबेला दुर्घटनास्थलमा सुरक्षाकर्मी र स्थानीयको टोली पुगेको छ।
