सुर्खेत।बाँकेको राप्ती सोनारी गाउँपालिका-८ मा भएको सडक दुर्घटनामा परी दुई जनाको घटनास्थलमै मृत्यु भएको छ ।
पश्चिमतर्फ आँउदै गरेको कार र पूर्वतर्फ जाँदै गरेको बस एक आपसमा ठोक्किँदा बा १३ च ८२५३ नम्बरको कारमा सवार वीरेन्द्रनगर- ७ का ५४ वर्षीय डा.सन्जु खाती र सवारीचालक ३७ वर्षीय सुवास अधिकारीको घटनास्थलमै मृत्यु भएको बाँके प्रहरीले जनाएको छ ।
डा. खाती वीरेन्द्रनगरस्थित श्रीकृष्ण संस्कृत तथा साधारण माध्यमिक विद्यालयमा विद्यालय व्यवस्थापन समिति अध्यक्षसमेत हुन् । मे १ ख ३३३५ नम्बरको बस पूर्वतर्फ जाँदै गरेको अवस्थामा राप्ती सोनारी-८ मा नेपाली सेनाको ब्यारेकको पूर्वतर्फको सडकमा एक आपसमा ठोक्किएका थिए । बसमा यात्रा गर्नेहरू भने सकुशल रहेको प्रहरीले जनाएको छ ।
