सुर्खेत।भुकम्प प्रभावित क्षेत्र जाजरकोटमा गुराँस गाउँपालिका दैलेखले राहत सामाग्रीसहित डाक्टरको टोली पठाएको छ । आज गुराँस अस्पतालमा कार्यरत मेडिकल डाक्टर नभिता कँडेल भारती नेतृत्वको टोली प्रभावित क्षेत्रमा पठाईएको गुराँस गाउँपालिकाका अध्यक्ष टोपबहादुर वि .सीद्धारा जारी प्रेस विज्ञप्तिमा उल्लेख गरिएको छ।
स्वास्थयकर्मीहरुको नेतृत्व गर्दै डाक्टर नभिता कँडेल भारती र स्वयम्सेवक सहित गाउँपालिकाका निमित्त प्रमुख प्रशासकिय अधिकृत मदन प्रकाश मल्ल भूकम्प प्रभावित क्षेत्रका लागि हिँडेका हुन् ।
‘प्राकृतिक विपद्का समयमा घाइतेहरुलाई स्वास्थ्योपचार पीडितहरुको उद्दार ,राहत ,पुनस्र्थापना गर्न हातेमालो गर्ने सबैमा अध्यक्ष बि.सीले अपिल समेत गरेका छन् ।
