काठमाडौँ।सेयर बजार बुधबार पनि ओरालो लागेको छ। सेयर बजार आज ५३.३१ अंकले ओरालो लागेको हो।सेयर बजार ५३.३१ अंकले ओरालो लाग्दा नेप्से परिसूचक २ हजार ४५५.६० विन्दुमा सीमित भएको छ।
सेयर बजारसँगै कारोबार रकम पनि ओरालो लागिरहेको छ। आज ६५ लाख ६० हजार ९४७ कित्ता सेयर २ अर्ब ६६ करोड ३९ लाख ९ हजार ६२० रुपैयाँमा कारोबार भएको छ। हिजो मंगलबार ३ अर्ब १२ करोड ८३ लाख ४१ हजार ७ सय रुपैयाँको कारोबार भएको थियो।
आज सबै उपसमूह राताम्मे छन्। कम्पनीतर्फ भने अजोड इन्स्योरेन्स १.०३ प्रतिशत, फरवाड माइक्रो फाइनान्स वित्तीय संस्था लिमिटेड ०.११ प्रतिशत र मैलुङ खोला जल विद्युत कम्पनी लिमिटेड १.८९ प्रतिशतले बढेका छन्।
