कालिकोट।जिल्लाको खाँडाचक्र नगरपालिका–७ को वडाध्यक्षमा बुधबार पुनःमत गणना हुँदा एक मतको अन्तरले पुन नेकपा(एमाले) का उम्मेदवार रजबहादुर मल्ल बिजयी भएका छन ।
वडाध्यक्षका प्रत्यासी माओवादी केन्द्रका उम्मेदवार दिपक कार्कीले २०७४ जेठ ५ गते भएको मत गणना चित्त नबुझेको भन्दै अदालतमा उजुरी दिएका थिए ।जिल्ला अदालत कालिकोटले सोही मत गणनालाई सदर गर्ने फैसला गरेपनि उच्च अदालतले पुनःमत गणना गर्नु भनि फैसला सुनाएपछि उच्च अदालत जुम्लामा आज मतगणना भएको हो ।
कुल खसेको २ सय ९६ मतमा रजबहादुर मल्लले १ सय ४२ मत प्राप्त गरि विजयी भएका छन ,भने उहाँका निकटतम प्रतिद्धन्दी दिपक कार्कीले १ सय ४१ मत पाएको जिल्ला निर्बाचन कार्यालय कालिकोटका प्रमुख धनबहादुर मल्लले जानकारी दिएका छन। उनका अनुसार १३ मत बदर भएका छन ।
यस्तै पुन मत गणनामा दलित महिला तर्फका एमाले उम्मेदवार कुजी विकले पहिले पाएको मत भन्दा एक मत बढाएर १ सय ३८ मत प्राप्त गरेकि छन भने माओवादी केन्द्रकी उम्मेदवार दाना विकले १ सय ३५ मत प्राप्त गरेकि छन ।
