काठमाडौं। बाग्मती प्रदेशका मुख्यमन्त्री अष्टलक्ष्मी शाक्यले आज बुधबार विश्वासको मत लिने भएकी छन्। दिउँसो १ बजे बस्ने प्रदेशसभा बैठकमा मतदान गर्ने तयारी गरिएको छ। गत ४ गते टेबल गरिएको बिश्वासको मत सम्बन्धि प्रस्तावलाई आज टुंगो लगाउन लागिएको हो।
प्रदेशसभामा हाल सत्तापक्ष एमालेका ४३ सांसद छन्। बिपक्षी गठबन्धनमा भने माओबादी केन्द्रका २३, कांग्रेसका २२, एकीकृत समाजवादीका १३, र जनता समाजवादी पार्टीका १ सांसद छन्।
त्यसबाहेक बिबेकशिल साझाका ३, नेमकिपा र राप्रपाका २ जना सांसद छन्। बिपक्षी गठबन्धनले एकीकृत समाजवादीका संसदीय दलका नेता राजेन्द्र पाण्डेलाई मुख्यमन्त्रीको रुपमा अघि सारेको छ।
