कालिकोट।जिल्लाको रास्कोट नगरपालिका वार्ड न.८ फुकोटमा भालुको आक्रमणमा परिे एकजना गम्भिर घाइते भएका छन। घाइते हुनेमा रास्कोट नगरपालिका वार्ड न ८ का वर्ष ५२ का सर्पानन्द बराल रहेका छन ।
विहान करिव नौ बजे तिर निमार्णधिन फुकोट बिधुत गृहको गिट्टी कुट्न भनी त्यस तर्फ जाने क्रममा बराललाई भालुले आक्रमण गरेको हो ।बच्चा सहित रहेको उक्त भालु अहिले पनि गाँउ नजिकै पाखामा घुमिरहेको र जति बेला पनि भालु गाँउ पस्न सक्ने स्थानिय बताउछन । विगत लामो वर्ष पछि सो स्थानमा भालु देखा परेको हो ।
भालुको आक्रमणबाट घाइते बराललाई तत्काल उपचारका लागी रास्कोट नगरपालिकामा रहेको रास्कोट सामुदायिक अस्पतालमा लगिएको थियो । उनको उपचार त्यहा असम्भव भए पछि थप उपचारका लागी सुर्खेत रिफर गरिएको उपचारमा संन्लग्न डाक्टर भोजराज बमले जानकारी दिए। घाइते बरालको अनुहारमा गम्भिर चोट लागेको छ।
