सिमकोट।यही मंसिर ४ गते हुने प्रतिनिधि तथा प्रदेश सभा निर्वाचनका लागि हुम्लामा खटिएका सबै कर्मचारीहरू मतदान स्थलमा पुगेका छन् ।
जिल्लाकाे नाम्खा गाउँपालिका- ६ को हिमालपारीका गाउँ लिमीका मतदानस्थलका कर्मचारी हेलिकोप्टरमार्फत पुगेका हुन् भने बाँकी अन्य कर्मचारी पैदल पुगेका हुन् ।
मुख्यनिर्वाचन अधिकृत दिलप्रसाद सापकोटाले सात वटै गाउँपालिका ५८ वटा मतदान स्थल र ५९ वटा मतदान केन्द्रका लागि खटिएकाे कर्मचारी र सुरक्षाकर्मी आ-आफ्नो मतदानस्थलमा सामाग्रीसहित सबै राम्रोसँग पुगेको बताए ।
उनका अनुसार मतदानको दिनभन्दा दुई दिन अगाडि कर्मचारी आफू खटिएको मतदानस्थलमा व्यवस्था अनुसार बिहीबार बेलुका र शुक्रबार बिहान पुगेका हुन् ।यहाँ निर्वाचनका लागि साढे चार सय कर्मचारी खटिएका छन् ।
