सप्तरी। जिल्लाको छिन्नमस्ता गाउँपालिका–१ की करिब ५२ वर्षीया महिलाको विभत्स हत्या गरिएको अवस्थामा शव फेला परेको जिल्ला प्रहरी कार्यालय सप्तरीका प्रवक्ता प्रहरी नायव उपरीक्षक माधवप्रसाद काफ्लेले जानकारी दिए।
आइतबार साँझ घरबाट खरानी लिएर खेतमा गएकी भुटनीदेवी यादव सम्पर्कविहीन भएकी थिइन्। तर आज उनको शव फेला परेको प्रहरीले जनाएको छ।महिलालाई बियरको बोतल प्रहार गरी हत्या गरेको हुनसक्ने प्रहरीको अनुमान छ। प्रवक्ता काफ्लेले प्रहरीले अनुसन्धान थालेको तथा थप अनुसन्धानका लागि कुकुरसहितको टोली बोलाइएको जानकारी दिए।प्रहरीका अनुसार घटनास्थलमा फुटेको बियरको बोतल फेला परेको छ।
