काठमाडौँ।काठमाडौँको लैनचौरस्थित शहीद स्तम्भमा पुगेर प्रधानमन्त्री शेरबहादुर देउवाले शहीदप्रति सम्मान प्रकट गरेका छन् । प्रधानमन्त्री देउवाले आइतबार त्यहाँ रहेको शहीद स्तम्भमा माल्यार्पण गरेका हुन् ।
शहीद दिवसको अवसरमा काठमाडौँ महानगरपालिकाले आयोजना गरेको कार्यक्रममा प्रधानमन्त्री देउवा सहभागी भएका हुन् । प्रधानमन्त्रीसहित सो कार्यक्रममा विभिन्न दलका नेता तथा सरकारी कर्मचारी एवम् सुरक्षाकर्मीको सहभागिता थियो ।
हरेक वर्ष माघ १६ गते मनाइने शहीद दिवस प्रजातन्त्र स्थापना एवं पुनःस्थापना तथा विभिन्न कालखण्डका स्वतन्त्रताका लागि जीवन आहूति दिने शहीदको सम्झनामा विविध कार्यक्रम गरी आइतबार देशभर मनाइँदै छ ।
