सुर्खेत। सुर्खेतको वीरेन्द्रनगरमा रहेको होटेल नमस्ते नेपालमा आगलागी हुँदा ३० लाख बराबरको क्षति भएको छ । आज बिहान खाना पकाउने समयमा ग्याँस लिक भएर लागलागी भएको हो ।
आगलागी हुँदा करिब ३० लाख बराबरको क्षति भएको होटेलका म्यानेजर हेमराज रावतले बताए । आगलागीबाट भान्सामा भएका सामानहरु जलेर नष्ट भएको रावतले बताए ।
आगलागीबाट मानवीय क्षति भने भएको छैन। घटनालगत्तै वीरेन्द्रनगर नगरपालिकाको दमकल, नेपाल प्रहरी, स्थानीयवासीको सहयोगमा आगो निभाइएको प्रहरी उपरीक्षक गोगेन्द्र सिंह थापाले जानकारी दिए।
