डोटी । जिल्लाको जोरायल गाउँपालिका– १ गोगनपानीमा एक बालक मृत अवस्थामा फेला परेका छन्। विवाहबाट घर फर्किरहेका डडेल्धुराको आलिताल गाउँपालिका–१ भुसुका १६ वर्षीय बालक भानु नाथ मृत फेला परेको प्रहरीले जनाएको छ।
माघ २३ गते राति बिहेमा गएका नाथ बुधबार गोगनपानी सडक नजिकै मृत भेटिएका र घटनाबारे जानकारी पाएपछि जिल्ला प्रहरी कार्यालयको टोली घटनास्थलतर्फ गएको सह–प्रवक्ता रवीन्द्र चन्दले जानकारी दिए।
बालक मृत अवस्थामा भेटिएपछि स्थानीयवासीले अत्तरिया स्याउले जोड्ने भीमदत्तराजमार्ग अवरुद्ध पारेका छन्। उक्त घटनाको छानबिन गर्न भन्दै राजमार्ग बन्द गरिएको स्थानीयवासी कमलबहादुर डाँगीले बताए।राजमार्ग अवरुद्ध हुँदा लामो तथा छोटो दूरीका दर्जनौँ यातायातका साधन गोगनपानीमा जाममा परेका छन्।
