अछाम।चक्कु प्रहारबाट अछाममा चार जना घाइते भएका छन्।जिल्लाको ढकारी गाउँपालिका–१ का मानबहादुर बुढा, हिक्मतबहादुर बुढा, तुलसी बुढा र खगेन्द्र बुढामाथि गएराति चक्कु प्रहार भएको हो।स्थानीय तपेन्द्र बुढा लगायत १० जनाको समूहले धारिलो हतियार प्रहार गरी घाइते बनाएको प्रारम्भिक अनुसन्धानबाट खुलेको जिल्ला प्रहरीले कार्यालय अछामले जनाएको छ।
स्थानीयको बिहे भोजमा मदिरा सेवनपछि दुई समूहबीच ढुंगा हानहानको भएको थियो। यही अवस्थामा तपेन्द्र बुढाको समूहले चक्कु प्रहार गरेको प्रहरीको भनाइछ। अहिले तपेन्द्र प्रहरी नियन्त्रणमा छन् भने अन्य फरार रहेका छन्।
चक्कु प्रहार गरी घाइते भएकाहरुको स्वास्थ्य चौकी ढकारीमा सामान्य उपचारपछि थप उपचारका लागि जिल्ला अस्पताल लगिएको छ। मानबहादुरको टाउको र ढाडमा चोट लागेको छ भने हिक्मतबहादुरको टाउको र हातखुट्टामा चोट लागेको छ। उनीहरुको अवस्था गम्भीर छ।यस्तै, तुलसी बुढाको टाउकोमा र खगेन्द्र बुढाको हातखुट्टामा चोट लागेको छ। उनीहरुको अवस्था मध्यम रहेको प्रहरीले जनाएको छ।
