सुर्खेत।बिहीबार गृह मन्त्रालयले हुम्लाको प्रमुख जिल्ला अधिकारी (सीडियो)मा सीता परियारलाई खटाएको छ । यस अघि भक्तपुर जिल्ला प्रशासनमा सहायक प्रमुख जिल्ला अधिकारीको रुपमा रहेकी उनलाई मन्त्रालयले हूम्लाको प्रमुख जिल्ला अधिकारी को जिम्मेवारी दिएर पठाएको हो ।परियार दलित समुदायबाट सीडियो बन्ने पहिलो महिला हुन ।
दलित समुदायका पुरुषहरु यस अघि पनि सीडियो बनिसकेका छन् ।तर,महिला भने निजामती सेवामै कम छन् ।कास्कीको रुपा गाउँपालिका –१ स्थायी निवासी परियारले शाखा अधिकृतबाट निजामती सेवामा प्रवेश गरेकी थिइन् ।उनी सेवा प्रवेश गरेको एक दशक बितिसकेको छ ।
