काठमाडौं। कायममुकायम प्रधानन्यायाधीश दीपककुमार कार्कीले न्याय परिषद् बैठक बोलाएका छन्। बुधबारका लागि बोलाइएको बैठकमा विशेष अदालत र राजश्व न्यायाधीकरणमा अध्यक्ष सिफारिस गर्ने तयारी गरिएको छ।
आज बस्ने बैठकले विशेष अदालतमा रिक्त अध्यक्षसहित न्यायाधीश पदमा उच्च अदालतका न्यायाधीशहरुलाई काज सरुवा गर्ने मुख्य एजेण्डासहित अन्य विषय रहेको बताइएको छ ।
न्याय परिषद्को सिफारिसमा सरकारले नियुक्ति गर्ने छ। यसअघि विशेषका अध्यक्ष प्रेमराज कार्की थिए।न्यायाधीशलाई काज खटाउने विषयमा छलफलका प्रयोजनका लागि बैठक बोलाएका हुन्।
