काठमाडाैँ । सञ्चारकर्मी रवि लामिछाने पूर्णकालीन राजनीतिमा आएका छन् । उनी आजै आफू आबद्ध ग्यालेक्सी टेलिभिजनबाट अलग्गिएका छन् । त्यसपछि उनले एक भिडिओ सन्देशमार्फत् भनेका छन्, ‘मैले सञ्चारकर्मीका रूपमा सकेजति गरेँ । अब म मेराे आवाजहरूलाई संसद्सम्म लान चाहन्छु ।’
उनले आफू रहरले सञ्चारकर्मी बनेपनि परिस्थितिले राजनीतिज्ञ बन्दै गरेकाे बताएका छन् । ‘म रहरले सञ्चारकर्मी बनेपनि आवश्यकताले, परिस्थितिले राजनीतिज्ञ बन्दैछु,’ उनले भनेका छन् ।
लामिछानेले असार ७ गते राष्ट्रिय सभागृहमा ‘आफ्नाे राजनीतिक यात्राबारे बताउनेगरी’ सभा गर्दैछन् । उनले काठमाडाैँकाे क्षेत्र नं. ५ बाट स्वतन्त्ररूपमा चुनाव लड्ने बताउँदै आएका छन् ।
