काठमाडौं। इण्डियन प्रिमियर लिग आईपीएल क्रिकेटमा कोलकाता नाइट राइडर्सले राजस्थान रोयल्सलाई पाँच विकेटले पराजित गरेको छ। गएराति वाङ्खडे स्टेडियम मुम्बइमा राजस्थानले दिएको १ सय ५३ रनको लक्ष्य कोलकाताले ५ बल बाँकी छँदै ३ विकेट गुमाएर पूरा गर्यो। उसका लागि नितिस रानाले अविजित ४८ र रिन्कु सिंहले अविजित ४२ रन जोडे। कप्तान श्रेयस एय्यरले ३४ रन जोडे।
यसअघि टस हारेर पहिला ब्याटिङ गरेको राजस्थानले २० ओभरमा ५ विकेट गुमाउँदै १ सय ५२ रन बनाएको थियो। उसका कप्तान सन्जु स्याम्सनले सर्वाधिक ५४ रन बनाए। सिम्रन हेटमायरले नटआउट २७, जोस बट्लरले २२ र रियान परागले १९ रन जोडे।जितसँगै कोलकाताले १० खेलमा ८ अंक जोडेर सातौं स्थानमा छ भने राजस्थान १० खेलमा १२ अंक जोडेर तेस्रो स्थान रहेको छ।
