दैलेख।स्थानीय तह निर्वाचनका लागि दैलेखमा १ लाख ७५ हजार थान मतपत्र पुगेको छ ।जिल्ला निर्वाचन कार्यालय दैलेखका प्रमुख मनमाया काउचाका अनुसार १ लाख ५८ हजार ४८९ कुल मतदाता रहेकोमा १ लाख ७५ हजार थान मतपत्र आएको जानकारी दिइन ।
जिल्लामा पुरुष मतदाता ७८ हजार ९१९ र महिला ७९ हजार ५७० गरि कुल १ लाख ५८ हजार ४८९ मतदाता रहेका छन्।२०७४ सालको स्थानीय तह निर्वाचन भन्दा २५ हजार ४९७ मतदाता थपिएका प्रमुख काउचाले जानकारी दिइन। मतपत्रको ढुवानी नेपाली सेनाको कालीबक्स गणले गरेको छ ।
