काठमाडौँ।नुवाकोटको ककनी गाउँपालिकाको एक विद्युत पोलमा चढेका ४४ वर्षका प्रेम विक माइला लाई हेलिकप्टर मार्फत उद्धारको प्रयास भैईरहेको नेपाली सेनाका प्रवत्ता नारायण सिलवालले जानकारी दिएका छन् । मानसिक सन्तुलन ठिक नभएका माइला बिहान करिब ११ बजेतिर स्थानीयले विक बिजुलीको पोलमा चढेको जानकारी पाएका थिए ।
उनी विद्युतको तारमा रहेको थाहा पाएपछि माथिल्लो त्रिशुली थ्री ए र साना जलविद्युत आयोजनाको प्रसारणलाइनमा विद्युत् प्रवाह बन्द गरिएको थियो । प्रहरी र स्थानीय बासिन्दाले उनलाई बिहानैदेखी सकुसल तल झार्न अनेक प्रयास गर्दा पनि विकले मानेका थिएनन् । उनलाई बिशेष सावधानीका साथ हेलिकप्टर मार्फत अहिले उद्धारको प्रयास भैरहेको छ ।
