काठमाडौँ ।प्रधानन्यायाधीश चोलेन्द्र शमशेर जबराको राजीनामा माग गर्दै कालोपट्टी बाँधेर धर्नासहित प्रदर्शनमा सहभागी हुने वकिलहरुको संख्या निकै कम हुँदै गएको छ ।प्रदर्शनमा सहभागीको संख्या घट्दै गए पनि नेपाल बार एसोसिएसनले आन्दोलन भने जारी राखेको छ।
मंगलबार पनि वकिलहरु कालोपट्टी बाँधेर बार कार्यालयबाट नाराबाजीसहित सर्वोच्च अदालत परिसरमा गएर धर्नामा बसेका छन् । तर दिनानुदिन सहभागी वकिलको संख्या कम देखिएको छ ।आन्दोलनकारी न्यायाधीशहरु प्रधानन्यायाधीशसँग सहमति गरेर काममा फर्किएपछि बारको आन्दोलन कमजोर बन्दै गएको छ।
