काठमाडाैँ।काठमाडौँ महानगरपालिकाका नगर प्रहरी प्रमुख राजु पाण्डेलाई आक्रमण गरेको आरोपमा प्रहरीले दुई जनालाई पक्राउ गरेको छ।नेपाल प्रहरीले सुनसरीबाट नारायण पारिश्रमिक र काठमाडौँबाट हुकुमबहादुर लामालाई पक्राउ गरेको काठमाडौँ प्रहरी परिसरका प्रवक्ता सीताराम रिजालले जानकारी दिए।
प्रहरीले उनीहरुलाई बिहीबार साँझ पक्राउ गरेर ज्यान मार्ने उद्योग र आपराधिक उपद्रो कसुरमा मुद्दा दर्ता गरेको हो।गत मंसिर १२ मा थापाथलीस्थित बागमती किनारमा रहेको सुकुम्बासी बस्ती खालि गर्न जाँदा महानगर प्रहरी प्रमुख पाण्डेसहित अन्य प्रहरीहरुलाई स्थानीयले आक्रमण गरेका थिए।सोहीमध्ये २ जनालाई प्रहरीले पक्राउ गरेको हो।
