काठमाडौँ ।सहिद स्मारक ए डिभिजन लिग फुटबलअन्तर्गत आइतबार नेपाल पुलिस क्लब र जावलाखेल युथ क्लब भिड्दै छन्।यो खेल नेपाली समयअनुसार साढे ४ बजे दशरथ रंगशालामा सुरु हुने छ।
प्रतियोगितामा यो दुवै टोलीको दोस्रो खेल हो। पहिलो खेलमा नेपाल पुलिसले त्रिभुवन आर्मी क्लबसँग बराबरी खेलेको थियो भने जावलाखेलले मनाङ मर्स्याङ्दीसँग १-० गोलको हार ब्यहोरेको थियो।तालिकामा मनाङ दुई खेलबाट ६ अंक जोडेर शीर्षस्थानमा छ। दुई खेल खेलेका संकटा क्लब र सातदोबाटो युथ क्लबको समान ४-४ अंक छ।
