काठमाडौँ।माओवादी केन्द्रको स्थायी समिति बैठक बसिरहेको छ। आठौं राष्ट्रिय महाधिवेशनको आठौं दिनमा कमलादीस्थित प्रज्ञा प्रतिष्ठानमा स्थायी समितिको बैठक बसेको हो।बैठकमा केन्द्रीय सदस्य र पदाधिकारी चयनबारे छलफल भइरहेको छ। अध्यक्ष पुष्पकमल दाहाल प्रचण्डले सर्वसम्मत रूपमा पदाधिकारीको नाम प्रस्ताव गर्ने तयारी स्वरुप स्थायी कमिटिको बैठक बसेको हो।
माओवादीको केन्द्रीय निर्वाचन आयोगले नेतृत्व छनोट गर्न शनिबार नै निर्वाचन प्रक्रिया सुरु गरिसकेको छ। जसअनुसार झन्डै साढे १७ सय मतदाता नामावली प्रकाशित भइसकेको छ।सर्वसम्मत नेतृत्व चयनका लागि भन्दै आज दिउँसो २ बजेसम्म बन्दसत्र स्थगित गरिएको छ।स्थायी समितिबाट पास भएका १५ पदाधिकारीसहित दुई सय ९९ केन्द्रीय कार्यसमितिमा रहनेको नाम प्रचण्डले बन्दसत्रमा प्रस्तुत गर्नेछन्।
