काठमाडौँ।प्रधानन्यायाधीश चोलेन्द्रशमशेर राणामाथि प्रतिनिधिसभामा महाअभियोग प्रस्ताव दर्ता भएपछि नेकपा (एमाले) ले पार्टीको आगामी कदमबारे छलफल गर्न सचिवालय बैठक डाकेको छ।
बैठक आइतबार साँझ ६ बजेका बोलाइएको छ।महाअभियोगका विषयमा छलफल गर्न सोमबार बिहान ११ बजे डाकिएको संसदीय दल बैठकका विषयबारे छलफल गर्न सचिवालय बैठक बोलाइएको हो।सोमबार नै दिउँसो २ बजे सभामुख अग्नि सापकोटाले महाअभियोगबारे छलफल गर्न सर्वदलीय बैठक पनि बोलाएका छन्।
