काठमाडाैँ।हाल नेपालमा स्थानीय वायु, भारतको उत्तर प्रदेश आसपास रहेको न्यून चापीय रेखा र पश्चिमी वायुको प्रभाव रहेको छ।माैसम पूर्वानुमान महाशाखाका अनुसार आज मुलुकका केही स्थानमा हावाहुरीसहित वर्षाको सम्भावना रहेको छ।
आज दिउँसो प्रदेश १, मधेस प्रदेश र बागमती लगायत अन्य प्रदेशका पहाडी भूभागका केही स्थानमा मेघ गर्जन र चट्याङ्ग हावाहुरीसहित हल्कादेखि मध्यम वर्षा हुनसक्ने महाशाखाले जनाएकाे छ।
नेपालमा स्थानीय वायु, भारतको उत्तर प्रदेश आसपास रहेको न्यून चापीय रेखा र पश्चिमी वायुको प्रभाव रहेकोले वर्षा भइरहेको हो।राति प्रदेश १ र मधेस प्रदेशका केही स्थानमा हावाहुरीसहित हल्कादेखि मध्यम वर्षाको अनुमान गरिएको छ भने अन्य प्रदेशका पहाडी भूभागका पनि वर्षा हुने ठानिएको छ।शुक्रबार प्रदेश १, मधेस प्रदेश, बागमती, गण्डकी र अन्य प्रदेशका पहाडी भूभागका धेरै स्थानमा वर्षाको सम्भावना छ।
