सुर्खेत । राष्ट्रिय स्वतन्त्र पार्टीका सभापति रवि लामिछाने सुर्खेत आउन लागेका छन् । पार्टीको कर्णाली प्रदेश भेलालाई सम्बाेन्धन गर्न लामिछाने यहीँ साउन १७ गते सुर्खेत आउन लागेका हुन् । सुर्खेत आउन लागेका लामिछानेले वीरेन्द्रनगरस्थित सिटी हलमा आयाेजित भेलालाई सम्बाेन्धन गर्ने कार्यतालिका छ ।
उनले पार्टिको आधिकारिक फेसबुक पेजमा लेखेका छन्, ‘भ्रष्टाचारले गलेको स्थितिलाई सत्कर्मले ठड्याउनु छ । सिंहदरबारलाई जन-दरबार बनाउनु छ । अब घाम अस्ताउने होइन, परिवर्तन उदाउने कर्णाली बनाउनु छ । यो कठिन तर सम्भव यात्रामा सधैं यसरी नै साथ दिइरहनुहोला । परिवर्तन हाम्रै पालामा सम्भव छ ।’
