काठमाडौं : रुपन्देही क्षेत्र नम्बर ३ बाट स्वतन्त्र उम्मेदवारी दिएका घनश्याम भूसालले त्रिभुज चिन्ह पाएका छन्। मुख्य निर्वाचन अधिकृतको कार्यालयले बुधबार उम्मेदवारलाई चुनाव चिन्ह वितरणका क्रममा भूसाललाई त्रिभुज दिएको हो। भूसालले चुनाव चिन्ह पाएपछि आफ्नो फेसबुक पेजमा ‘त्रिभूज’ राख्दै भोट मागेका छन्।
उनले त्रिभुजको तीन कुनालाई लोकतन्त्र, सामाजिक न्याय र जनमुखी विकासको संज्ञा दिएका छन्। टिकट नपाएपछि नेकपा एमाले परित्याग गरेको घोषणा गरेर भूसालले स्वतन्त्र उम्मेदवारी दर्ता गराएका थिए।
